MUSEA I SOGN OG FJORDANE
 

Stiftinga Musea i Sogn og Fjordane (MiSF) er eit konsolidert museum med avdelingane: De Heibergske Samlinger - Sogn Folkemuseum, Kystmuseet i Sogn og Fjordane, Nordfjord Folkemuseum, Sogn og Fjordane Kunstmuseum og Sunnfjord Museum.

De Heibergske Samlinger – Sogn Folkemuseum ligg i Sogndal kommune, og sysselset rundt 15 tilsette.Det over 100 år gamle friluftsmuseet med gardsdrift, har ei stor samling av før-industriell arbeidsreiskap. Satsingsområde er arbeid med kulturlandskap og dokumentasjon av samtid og nær fortid. Museet har sekretariatsansvar for det nasjonale museumsnettverket for kulturlandskap. Båtsamling og fjordkultur vert formidla i eige bygg: Sogn Fjordmuseum. Norsk Reiselivsmuseum i Balestrand er ei underavdeling som disponerer fleire antikvariske bygg. Avdelinga er under oppbygging og skal ta i bruk nytt utstillingsbygg i 2014.

Det er no ledig stilling ved DHS - Sogn Folkemuseum som:

AVDELINGSDIREKTØR

Avdelingsdirektøren er fagleg og administrativ leiar for avdelinga med dagleg ansvar for personale og drift, samlingsforvaltning, forsking og formidling. Avdelingsdirektøren er med i leiargruppa i MiSF og rapporterer til direktør.

Vi søkjer etter ein resultatorientert og samarbeidsvillig person med følgjande

Kompetanse og kvalifikasjonar

• Mastergrad eller tilsvarande innan museumsrelevante fag
• Relevant praksis og leiarerfaring
• Museumspraksis er ønskjeleg, men ikkje avgjerande

Personlege eigenskapar

• Målretta og strukturert
• Gode leiareigenskapar
• Evne til å motivere, inspirere og engasjere medarbeidarane til å vidareutvikle museet som ein aktiv samfunnsaktør og eit attraktivt publikumsmål.

Stillinga blir lønna etter avtale, basert på landsovereinskomsten for museum. God pensjonsordning.

Nærare opplysningar får ein ved å vende seg til direktør Anne-Marie Førde, tlf. 902 02 820, eller www.misf.museum.no og www.nav.no.

Søknad med CV skal sendast til Musea i Sogn og Fjordane, Gota 16, 6823 Sandane eller til post@misf.museum.no innan 20. april 2012.